Хуучин ном солилцох дэлгүүр.

Alnwick Barter Books 📚 

Англи орны түүхэн газруудын хамгаалах олон янзын нийгэмлэгүүд байдаг бөгөөд бид түүний хэд хэдэн нийгэмлэгийн гишүүн ( English Heritage, Historic Houses, National Trust ) тул боломжоороо жилдээ хэд хэдэн газар очиж түүх дурсгалын үздэг.  Энэ удаад (Alnwick Castle) Алнвик Цамхгийг ( Харри Поттор … киноны зураг авсан) үзээд явахдаа Алнвик тосгоны Хуучин номын дэлгүүрийн түүхийн талаар бага сага уншсан тул хоёул зориуд сонирхохоор очив. Тэгсэн гайхалтай газар яваад орсон. Янз бүрийн сонирхолтой номтой, эргэн тойрон хөгшчүүл ном уншаад энд тэндгүй буйдан дээр суусан, хөгшин залуугүй нэг номын тавиураас нөгөө номын тавиур луу шилжээд авч үзээд уншаад явах, хүүхдээ тэргэнд хийгээд түрчихсэн, тавиуртай талх цай барьсан ч хүн явж байх шиг… тэр дотор нэлээдгүй хугацаагаар ном сонирхож явсаар гарч ирсэн дээ. Тэгээд үзсэн харснаа найзууддаа хуваалцмаар санагдаад, санаа оноо байвал аваад монголдоо нэвтрүүлбэл, үр хойчид маань ч хэрэгтэй юм уу гэж бодогдсон. Хүмүүс галт тэргээр нэг газраас нөгөөд газарт аялан очдог бол түүнтэй адил номоор нэг ертөнцөөс өөр нэгэн ертөнцөд хүрч болно. Энэ талаар вебээс болон хайлтаар олж уншсанаа найзууддаа зориулж доор сийрүүлэн бичлээ. Энэ хуучин номын дэлгүүр эртний галт тэрэгний буудалтай холбогдсон учир нь …

— 🚂 Галт тэрэгний буудлын тухай: Ном солилцох дэлгүүр нь 1887 онд Виллиам Беллийн зохион бүтээсэн эртний Викторийн галт тэрэгний буудлын нэг хэсэгт байрладаг юм. Ойролцоогоо 3000 метр квадрат талбай бүхий барилга нь Алнвик жижиг хотын хувьд гайхалтай хэмжээ бөгөөд том барилгад тооцогдоно. Учир нь Нортумберландын герцогуудын хувьд 19-р зуунд зочлон ирдэг хааны гэр бүлд болон ноёдын хувьд өндөр сэтгэгдэл төрүүлэх гайхалтай галт тэрэгний буудал шаардлагатай гэж үздэг байв. Галт тэрэгний буудал орон нутагт их өгөөжийг өгсөн ч  1968 онд алдартай Beeching галт тэрэгний   замын сүлжээний шинчлэлтийн хүрээнд хамрагдаагүй хаагдсан. Хэзээ нэгэн цагт үүнийг сэргээнэ гэдэг нь эзэмшигчдийн хүсэл мөрөөдлийн нэг болон үлджээ. Энэ талаар олон янзын эх сурвалжаас үзэж болох юм байна.   
— 🤩 Өнөөдөр - Аялал жуулчлал нэг цэг болж ээ. 
Номын дэлгүүр 📚 нь үндсэндээ долоон өрөөнөөс бүрддэг. Орох хаалга нь хуучин буудлын илгээмжийн өрөө байсан бөгөөд тэнд зорчигчид төмөр замын тасалбар худалдаж авдаг тортой нээлттэй цонх хэвээр байгаа. Яг тэр цонхны цаана гал тэргэний буудлын эхний гол хаалга байсан бөгөөд одоо тэнд хүүхдийн өрөө болсон. Дунд өрөө нь гадагшаа гарах платформын эхлэлээс эхэлнэ. Хуучин хүлээлгийн танхимыг ашигласан хэд хэдэн өрөө нь олон нийт суух ном үзэх, унших, хооллох, сонин унших, ил галтай тохилог хөөрөлдөх өрөө, кофе уух, зүгээр л бүхнээс холдож өөрийн ертөнцдөө орон бодлоо цэгнэн суух боломжтой газрууд болж ээ. Цаашлаад бие засах газар, мөн жижиг буфер өрөөнүүдтэй байна. 
— 🕰️ Дэлгүүрийн түүх: 1991 оны 4-р сард Мэри Мэнли гэх эмэгтэй солилцох системд суурилсан, Бартер ном гэж нэрлэгддэг хуучин номын дэлгүүр нээхээр төсөл бичиж банкнаас том зээл хийхээр шийджээ. Нөхөр Стюарт тэр даруйдаа энэ санааг дэмжиж Мэрид  Алнвикийн Викторийн үеийн гайхамшигт галт тэрэгний буудалд байрладаг тэр үеийн жижиг үйлдвэрийнх нь урд өрөөнд дэлгүүр нээхийг санал болгов. Тэр цагаас хойш хамтарсан түншлэл бий болсон бөгөөд үүнийгээ “New Statesman” сэтгүүлд "The British Library of secondhand bookshop" гэж нэрлэсэн байна.
Стюарт Мэнли Дэлхийн 2-р дайны үед “Durham” мужид төрсөн. Түүний мэргэжлийн ур чадвар үргэлж бизнестэй холбоотой байв. Номын дэлгүүрийн хүрээнд Стюарт үндсэндээ Бартер номын вэбсайт зэрэг бизнесийн ерөнхий менежментийг хариуцдаг. Түүний сонирхол крикет, төмөр зам, хөл бөмбөг, мөнгөний урсгал гэнэ. Харин Мэри Мэнли Миссурид Стюартаас арай эрт төрсөн гэнэ. Мэригийн мэргэжлийн ур чадвар нь зөвхөн академик байж. Номын дэлгүүрийн хүрээнд Мэри ерөнхий зохион байгуулалт, орчин, маркетингийг хариуцдаг. Түүний сонирхол нь крикет, төмөр зам, хөлбөмбөг, мөнгөн урсгалаас бусад бараг бүх зүйл багтдаг гэнэ. Төгсгөлд нь хэлэхэд, Стюарт, Мэри Мэнли хоёрын хамтын ажиллагаа нь нэг нэгний дутууг нөхөж  аз жаргалтай тэнцвэржүүлэхэд үндэслэсэн юм. Энэ нь бизнесийг бүхэлд нь жинхэнэ өөрсдийн дур сонирхол урам зоригтой холбож, (эцэст нь овердрафтаа) банкны том зээлээ төлөх боломжийг олгосон гэж ээ.
— 👩‍💼Ажилтны тухай: Манай ажилтнууд — хөдөлмөрч, үнэнч, чадварлаг, гайхалтай. Мөн магадгүй дэлгүүр шиг тийм сонирхолтой. Энд "дарга" байхгүй харин менежер байна. Бид 16 настайгаас, 76 настай хүртэл түр зуурын ажилчдыг хөлсөлдөг. Улс төр нь төвийн зүүнээс баруун төвийн хооронд, бүх л үзэлтнүүд байдаг. Тэгсэн ч амжилттай ажилсаар байгаа. Энд янз бүрийн мэргэжлийн хүмүүс ч бас адил ажилсаар байгаа - уран бүтээлчид, багш нар, онгоцны нисгэгч, уурхайчин гээд … Англи хэлний акцентийн тухайд гэвэл, одоогоор Английн хойд хэсэг, Ирланд, Лондон, Корнуолл, тийм ээ, Америк дуудлагаар ярих хүмүүс ажилдаг. Энэ бүхэн бидэнд таалагдаж байдаг. 
— 💻 📲 Вэб сайтын каталогийн төсөл хэрэгжүүлсэн нь: Стюартын гол төслүүдийн нэг нь номын дэлгүүртэй шууд холбогддог нь манай хэрэглэгчийн маш том каталог юм. Энэ каталог нь одоогоор 45,000 гаруй номыг жагсаасан бөгөөд өдөр ирэх бүр нэмэгдэж байна. Тиймээс үүнийг тордож, шинэчлэхийн тулд хэд хэдэн ажилтан шаардлагатай байдаг.  Номын эргэлтийн хувь хэмжээ долоо хоногт ойролцоогоор 3000 ширхэг. Вэбийн баг өөрийн нөөцөд байгаа хамгийн шилдэг, хамгийн сонирхолтой номуудыг хүмүүст хүргэхийн тулд чадах бүхнээ хийдэг. Таны хайж байсан ном ч байж мэднэ.  Цаашилбал, TomFolio, IOBA, Alibris, Amazon, ABE зэрэг сайтуудын жагсаалтаар дамжуулан манай каталогид нэвтэрдэг, BookFinder, AddAll зэрэг номын хайлтын мета сайтууд манай бизнесийн өсөн нэмэгдэж буй энэ талбарт тусалдаг юм гэж ээ. 
— 💖 Энд орон нутгийн уранбүтээлчдийн  уран бүтээл байх бөгөөд түүний нэг нь "Алдарт зохиолчид" нэртэй ханын зураг. Товчхондоо, 1800 оноос хойш англи хэлээр зохиол туурвисан  алдартай зохиолчдын бараг дөчин дүрийг багтаасан (38' x 16') хэмжээтэй том ханын зураг юм. Ханын зургийг орон нутгийн зураач Питер Додд зурсныг зургаас мөн харж болно.