Манчестер хот дахь Алан Тьюрингийн дурсгал

 

Манчестер хотыг үзэж яваад энэ хүнтэй тааралдав. Бодолд дарагдаад дуу шуугүй сууна. Хажууд байрлах самбарыг уншихад оюутан цагтаа нэрийг нь сонссон хүн байв.  Ингээд Алан Тьюринг хувь хүний хувьд нь амьдралын товч намтартай танилцсан аа дэлгэе.

Тэрээр Компьютерын шинжлэх ухааныг үндэслэгчдийн нэг.   Тьюринг Кембрижийн Кингс коллежид (1931–1934) боловсрол эзэмшсэн. Тэрээр 1935 онд магистрын оюутан байхдаа орчин үеийн тооцооллын онолын үндэс болсон Тьюрингийн машин гэгддэг ойлголтыг боловсруулсан.  “Тооцоолдог тооны тухай" өгүүллэгдээ онолыг тайлбарласан. Тэрээр түүнийгээ 1936 онд Принстоны их сургуульд (1936–1938) докторын зэрэг хамгаалж байхдаа хэвлүүлжээ.

Тьюрингийн машиныг энгийнээр хэлбэл  хийсвэрээр дүрсэлсэн тооцооллын машины математик загвар юм. Загвар нь энгийн хэдий ч ямар ч компьютерын алгоритмыг хэрэгжүүлэх чадвартай.

Эмигмагийн кодыг тайлсан  

Дэлхийн 2-р дайны үед Тьюринг Блетчли Паркт засгийн газрын код ба шифер сургуулийн төв удирдлагад ажиллаж байжээ. Блетчли Парк дахь Алан Тьюрингийн бүлэг   Бомбе(Bombe) гэх код тайлах анхны машиныг зохион бүтээсэн нь холбоотнуудыг дайнд ялахад тусалсан гэж үздэг.  Германчууд армидаа шифрлэгдсэн мессеж илгээхийн тулд өөрсдийн Enigma машиныг ашиглаж байнга хувьсах кодыг үүсгэж илгээдэг байв. "Бомбе" нь эдгээр мессежийг хурдан тайлж, холбоотнуудын хүчийг дайснаас нэг алхам түрүүлж, дайныг богиносгож, олон мянган хүний ​​амийг аварч чадсан юм. Энэ талаар хэдэн жилийн өмнө би “Блэтчлэй (Bletchley) Парк” -ыг үзээд тэр газрын тухай энэ блог доо бичсэн. Сонирхвол хайгаад уншаарай.  

Дайны дараа

Дэлхийн 2-р дайны дараа Тьюринг мэдээллийг логикоор боловсруулах машин бүтээхэд анхаарлаа төвлөрүүлжээ. 1945 онд Теддингтон байрлах Үндэсний физикийн лабораторын шинжлэх ухааны ахлах ажилтнаар томилогдсон. Үндэсний физикийн лаборатор нь Тьюрингийн "ACE" автомат тооцоолох хөдөлгүүрийг бүтээх ажлыг хойшлуулсан бөгөөд тэд дижитал компьютерыг анхлан хөгжүүлсэн Манчестерийн их сургуулиас хоцорчээ.

1949 онд Тьюринг Манчестерийн их сургуульд шилжиж ирээд, анхны дижитал компьютер "Baby"-ийг бүтээжээ. Тэрээр компьютерын хөгжилд гарсан ихэнх чухал нээлтүүдийг хариуцдаг багийн нэг гишүүн болсон. Тэрээр мөн хиймэл оюун ухааны сэдвээр ажилууд хийсэн.

Сүүлийн жилүүд

1952 онд Тьюрингийн Вилмслоу(Wilmslow) дахь гэрт хулгай орсон хэргийг шалгаж байгаад мөрдөгчид түүнийг ижил хүйстэн гэдгийг илчилжээ. Тухайн үед ижил хүйстэн байх нь эрүүгийн гэмт хэрэг байсан тул Тьюринг баривчлагдсан бөгөөд шоронгоос зайлсхийхийн тулд тэрээр нэг жилийн турш "бэлгийн дур хүсэл саармагжуулах" зорилготой эстроген тариа хийлгэхийг хүчээр тулгасныг зөвшөөрсөн. Тухайн үед ижил хүйстнүүдийг “хахуульд нээлттэй" өртөх бүлэг гэж үздэг байж. Тиймээс Тьюринг дайны дараах Блетчли Паркийн нууцлалыг хадгалж чадах аюулгүй нь итгэмжлэл авч чадаагүй. 1954 онд (41 насандаа) нас барсан Тьюрингийн хажууд хазсан алим байж. Түүнийг алим дээрх калийн цианидыг залгиж амиа хорлосон гэж үздэг. Алимыг хордуулсан эсэхийг хэзээ ч шалгаагүй. Түүний ээж Тьюринг химийн бодисоор туршилт хийж, хоол идэхийн өмнө гараа угаахаа мартсан гэдэгт итгэдэг байв. Ээжийгээ санамсаргүй хэрэг гэж бодог гэж Тюринг ийм нөхцөлд амиа хорлосон байдалтай олдсон гэж үздэг. Өөр нэг таамаглал нь Тьюринг аюулгүй байдлын эрсдэл гэж үзсэний улмаас алагдсан гэсэн хувилбар байдаг.

Уучлал гуйсан нь

2009 оны есдүгээр сард Ерөнхий сайд Гордон Браун Их Британийн Засгийн газрын нэрийн өмнөөс Алан Тьюрингээс   уучлалт гуйсан. Ерөнхий сайд Браун хэлэхдээ "Ноён Тьюринг тухайн үеийн хуулийн дагуу шийдвэрлэж, бид цаг хугацааг буцааж чадахгүй, түүнтэй харьцсан нь мэдээжийн хэрэг туйлын шударга бус байсан бөгөөд түүнд тохиолдсон явдалд бид бүгд гүнээ харамсаж байгаагаа хэлэх завшаан тохиосондоо баяртай байна. Тиймээс Их Британийн засгийн газар, эрх чөлөөтэй амьдарч буй бүх хүмүүсийн нэрийн өмнөөс харамсаж байгаагаа илэрхийлье. Бид Алан Тюрингийн гүйцэтгэсэн ажлаар бахархдаг, тэр ихийг хийж чадах байсан."

Apple-ийн логоны тухай домог(яриа)

Apple Inc-ийн лого болон нэрийг Алан Тьюрингийн хүндэтгэл гэж үздэг ч Apple-ийн нэрийг компанийг үүсгэн байгуулагч Жобс, Стив Возняк нар алимны аж ахуй дээр ажиллаж байхдаа санал болгосон. Жобс-д  Битлзийн дуу бичлэгийн пянзны шошго байсан бөгөөд алим бол төгс жимс гэдэгт итгэдэг гэж ээ.