Анхны компьютер Baby -ийн түүх.

1800 он гэхэд Манчестер хотод “уурын хөдөлгүүр жинхэнэ утгаараа хөгжиж " байсан бол 1830 он гэхэд хөвөн ээрэх, даавуу үйлдвэрлэх 99 үйлдвэртэй болжээ. Дэлхийн анхны орчин үеийн төмөр зам Ливерпүүл, Манчестер хотуудын хооронд 1830 онд нээгдсэн бөгөөд 1850-иад он гэхэд хотын одоогийн төмөр замын системийн ихэнх хэсэг нь баригдсан байж. Манчестер хот Английн үйлдвэрлэл хөгжсөн эртний төв бөгөөд энэ түүх ээ өгүүлэх шинжлэх ухааны сайхан музейтэй. Саяхан түүгээр орж олон сайхан сонирхолтой бүтээлүүдийг олж үзлээ. Би өөрийн сонирхдог сэдэв болох компьютерын тухай юу гэж өгүүлснийг уншиж үзээд мэдсэн сонин сайхнаасаа сонирхуулан бичлээ. Тооцон бодох электрон машинд(70-80 д оны компьютерт) хэрэглэж байсан перфо картыг даавуу үйлдвэрлэх машины хээг гаргах удирдлагын картаас санаа авч бүтээсэн гэжээ.

Анхны компьютер Baby -ийн түүх буюу түүнийг бүтээгчид.

Санах ойд программ аа хадгалж ажиллах орчин үеийн анхны компьютерыг 1948 оны 6 сард анх ажиллуулжээ. Baby болон Mark I компьютерыг бүтээхэд бүхэл бүтэн баг Манчестерийн Их Сургууль дээр ажилласан бөгөөд тэдний их хүчин чармайлтаар анхны компьютер бий болсон. Төсөл амжилттай хэрэгжихийн хэрээр баг өргөжиж техник хангамж болон программ хангамжийг бүтээсэн инженерүүдийн ихэнх нь мэргэжлээрээ салбартаа тэргүүлэгчид болсон байна. Baby нь портотайп, Манчестер Mark I түүний жинхэнэ хувилбар бөгөөд энэ хоёр нь санах ойг бүтээсэн аргаараа ялгаатай байдаг гэж ээ.

Фредди Уильямс, Том Килберн нар уг төслийг санаачлагчид юм. Манчестер Mark I-ийг бүтээсний дараа Уильямс судалгаагаа цахилгаан мотор дээр төвлөрүүлжээ. 1964 онд Килберн Манчестерийн их сургуулийн Их Британийн анхны компьютерын шинжлэх ухааны тэнхимийн эрхлэгч болжээ. Жефф Тутиллийн хагас зуун жилийн турш хадгалсан лабораторийн бичмэл номууд Baby -г дахин бүтээхэд чухал үүрэг гүйцэтгэсэн. Анх компьютер бүтээсний 60 жилийн ойгоор Жефф бичмэл номуудаар бэлэг барьж. Мөн компьютероос хадгалагдаж үлдсэн 6 хэсгээс санаа авч Baby -ийг дахин бүтээж ШУ музейдээ үзвэр болгож ээ.

Жефф Тутилл 1947 оны 6-р сард Уильямс, Килберн нартай нэгдэж (Ферранти ХХК) Ferranti Mark I-ийн загвар зохион бүтээж эхлэхэд тэрээр гол үүрэг гүйцэтгэсэн. Алек Робинсон, Дай Эдвардс, "Томми" Томас нар Baby-ийн багт буюу Манчестерт Mark I болж өргөтгөхөд анхдагч багт нэгдсэн. Макс Ньюман 1946 онд Хатан хааны нийгэмлэгээс "Тооцоолох машины лаборатори" байгуулахын тулд их хэмжээний буцалтгүй тусламж авчээ. Алан Тюринг Ferranti Mark I-ийн програмчлалын гарын авлагыг бичсэн. Сисили Попплвэлл түүнд тусалсан. Тони Брүүкер “Autocode” программчлалын хэлийг бичсэн нь Ferranti Mark I-г ашиглахад хялбар болсон.

Baby компьютер нь тэр үеийн засгийн газарт өндөр сэтгэгдэл төрүүлсэн тул Манчестерийн Ferranti компанийг санхүүжүүлж, худалдаанд гаргах хувилбарыг боловсруулжээ. Үүний үр дүнд Ferranti Mark I бүтээгдсэн. Энэ нь дэлхийн хамгийн анхны арилжааны компьютер байв. Манчестерийн Ferranti үйлдвэрийн инженерүүд Манчестерийн их сургуультай нягт хамтран ажилласан. Тэд 1951 оны 2-р сард Их сургуулийн өөрийнхөн тусгай лабораторид анхны компьютерыг суурилуулсан. Ferranti Марк I бол хүчирхэг тооцоолуур байсан бөгөөд энд сонирхолтой давхар туршилтуудыг хийж байв. Доктор Дитрих Принц шатрын программыг бичсэн бол Кристофер Страчей санамсаргүй хайрын захидал үүсгэх программ бичсэн байдаг. Их сургууль орон нутгийн компаниудад компьютерийн цагийг түрээслүүлдэг байж. Энэ нь компаниудад компьютер хэр ашигтай, хурдан болохыг харах боломжийг олгосон.

Сирил Грэдвелл бол Ferranti дахь Принцийн томилсон анхны програмист юм. Тэр программист юу хийдгийг мэдэхгүй байсан ч ажилд орох өргөдөл гаргасан ганц хүн нь байж, ажилд орсон! Программистуудын гарын авлагад түүний нэр энэ түүхтэйгээ бичигдсэн байдаг.

Ferranti Mark I-д зориулж хэд хэдэн програмчлалын гарын авлагыг бичсэн. Алан Тюринг эхнийхийг бичиж, дараа нь Дитрих Принц, Тони Брүүкер нарын өөрчилсөн хувилбарууд бичсэн байна гэж Манчистерийн ШУ музейд тайлбартайгаар дэлгэн үзүүлж байна. Би энд авсан зургуудаа хавсаргав.